Kosova
Nagavci: Mësimi i gjuhës shqipe në diasporë ka vlerë jashtëzakonisht të madhe
Ministrja e Arsimit, Shkencës, Teknologjisë dhe Inovacionit e Kosovës, Arbërie Nagavci, mori pjesë në konferencën “Roli i shkollës shqipe në ruajtjen e identitetit dhe emancipimit kombëtar”, e cila u mbajt në Zvicër.
Ministrja Nagavci me këtë rast ka thënë se mësimi i gjuhës shqipe në diasporë lidhet drejtpërdrejt me të vegjlit dhe të rinjtë tanë që po rriten larg trojeve shqipfolëse, ndaj vlera e saj është jashtëzakonisht e madhe.
Nagavci vlerësoi se puna e mësimdhënësve në shtetet ku jetojnë, kontributi që japin në mësimin e gjuhës shqipe në diasporë dhe përkushtimi tyre i vazhdueshëm na jep shpresë që fëmijët tanë nuk do ta humbasin krenarinë për prejardhjen e tyre.
Nagavci foli edhe për hapat konkretë, të cilat janë marrë nga Ministria e Arsimit për intensifikimin e mësimit të gjuhës dhe kulturës sonë kombëtare, për bashkëkombësit që jetojnë jashtë trojeve amtare.
Sa u përket veprimeve që janë marrë nga MASHTI, Nagavci përmendi projektin e përbashkët me Universitetin e Prishtinës, i cili synon të mbështetesë dhe të promovojë shkencat e albanistikes, me vëmendje të veçantë programet e Gjuhës dhe Letërsisë Shqipe, duke ofruar skema të mbështetjes konkrete financiare për të gjithë studiuesit dhe studentët e gjuhës shqipe.
Në këtë drejtim, ministrja Nagavci foli edhe për nënshkrimin e urdhër-vendimit për tekstin mësimor “Gjuha shqipe dhe kultura shqiptare” për Nivelin II (klasat 4,5,6), i cili është projekt i përbashkët me Ministrinë e Arsimit të Shqipërisë, finalizimin e tekstit të Nivelit I, i cili është finalizuar vitin e kaluar dhe shpalljen e konkursit për tekstin e Nivelit III.
Për rëndësinë e ruajtjes së gjuhës dhe kulturës shqiptare dhe misionin e rëndësishëm të mësimdhënësve shqiptarë në realizmin e këtyre synimeve ka folur kryetari i Lidhjes së Arsimtarëve dhe Prindërve Shqiptarë “Naim Frashëri”, Profesor Riza Demaj.
Në kuadër të vizitës zyrtare në Zvicër, ministrja Nagavci mori pjesë edhe në nënshkrimin e marrëveshjes për bashkim të Lidhjes së Arsimtarëve dhe Prindërve Shqiptarë ‘Naim Frashëri’ në Zvicër (LAPSH) dhe Shkollës Shqipe në Zvicër (SHSHZ).
Marrëveshja synon të rrisë numrin e nxënësve, të integrojë stafin mësimor të dyja shkollave dhe të forcojë programet arsimore në gjuhën shqipe për të gjitha nivelet.
Ky bashkim është hap i madh në përpjekjet për të avancuar arsimimin dhe ruajtjen e gjuhës dhe kulturës shqiptare për diasporën shqiptare në Zvicër.
E-Diaspora
-
VLEN shpall fitoren e quajtur ‘Ndryshimi’, falënderon diasporën Drejtues të koalicionit VLEN në një konferencë për media nga Tetova kanë shpallur fitoren e zgjedhjeve....
-
Shqiptari i vë flakën vetes në Itali, në sy të gruas së tij
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
-
Zvicër
Ardon Jashari, me çmimin “Safp Golden Eleven” si mesfushori më i mirë në Zvicër
Jeta në Zvicër
-
Qeveria planifikon ndihma për banim edhe për pensionistët e invaliditetit Këshilli Federal i propozon Parlamentit ndryshimin e ligjit përkatës për barazimin e pensionistëve IV me pensionistët...
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas
-
Ish-këshilltari federal paralajmëron: Putini shënjestër do ta ketë edhe Zvicrën