Solothurn: Për 1 javë dënohen 60 shoferë duke vozitur me telefon

110 shoferë të tjerë duhej të paguanin një gjobë për mosvendosjen e rripit të sigurimit

Brenda një jave, 60 persona u gjobitën nga policia e Solothurnit për kryerjen e telefonatave ndërsa ishin në timon. Kjo është bërë e ditur sot nga forcat policore kantonale, të cilat kanë kryer kontrolle javën e kaluar.

110 shoferë të tjerë duhej të paguanin një gjobë për mosvendosjen e rripit të sigurimit. Gjithashtu, policia raportoi 47 persona për shkelje të tjera të ligjit rrugor, transmeton albinfo.ch.

Përdorimi i telefonit gjatë drejtimit të automjetit rrit rrezikun e aksidenteve dhe përbën një rrezik serioz për sigurinë e të gjithë përdoruesve të rrugës, kujton policia, duke specifikuar se do të kryhen kontrolle të mëtejshme.

---