Shkurt.ch

Hyrja në BE dhe braktisja e frangut, një skenar i mundshëm për Zvicrën?

Club Helvetique: "Ka ardhur koha që në rrugën e kërkimit të një strategjie për të ardhmen të mendohet edhe hyrja në BE dhe kalimi nga frangu në euro"

E hënë, 9 Shkurt 2015 - 11:15 albinfo.ch
Zvicra do të duhej të mendonte për flakjen e frangut ndërsa edhe hyrja në BE nuk do të duhej të shihej si tabu. Kështu së paku mendojnë në organizatën e intelektualëve “Club Helvetique”, organizatë kjo që ka publikuar një dokument me qëndrimet e sa në jetë drejtim.
“Vetmia ekonomike e Zvicrës në qorrsokak” titullohet dokumenti i publikuar të dielën në gazetën “Schweiz am Sonntag”në të cilin shoshiten argumente të tilla.
Ndër pyetjet që ben “Club…” është “A ia vlen për shtetin e vogël, Zvicrën që ende të mbahet një monedhë më vete, që vetëm në dukje është e pavarur dhe po bëhet gjithnjë më e paparashikueshme?”. Me fjalë të tjera: A na duhet frangu më?
Në këtë organizatë bëjnë pjesë personalitete si ish kryebashkiaku i Cyrihut, Josef Estermann dhe deputeti nacional nga SP/PS Andi Gross. Sipas tyre, ka ardhur koha të mendohet edhe “e pamendueshmja” në rrugën e kërkimit të një strategjie për të ardhmen. Dhe kjo “e pamendueshme” është hyrja në BE dhe kalimi nga frangu në euro.
Për “Club Helvetique” hyrja në BE është rruga e shpëtimit. Ajo do të krijonte perspektiva për ekonominë dhe popullatën, në shtigje të gjata. Prandaj, sipas intelektualeve, anëtarë të këtij klubi, kjo rrugë nuk bën tüe konsiderohet tabu.

 Të tjera nga Shkurt.ch

Zvicra dhe Austria planifikojnë blerje të përbashkëta të armatimit

 E-Diaspora

 Jeta në Zvicër