Maqedonia
Vuçiqi, “i goditur” që Maqedonia e Veriut e votoi Rezolutën për Srebrenicën
Në një deklaratë të fundit, presidenti serb, Aleksandar Vuçiq, deklaroi se është prekur nga votimi i rezolutës për Srebrenicën nga Maqedonia e Veriut në Asamblenë e Përgjithshem të Kombeve të Bashkuara, sepse thotë, “më së shumti ka investuar” në raportet me vendin tonë, përcjell albinfo.ch.
Pas kthimit nga seanca në Asamblenë e Përgjithshme të OKB-së, ku u miratua Rezoluta për Ditën Ndërkombëtare të kujtimit të gjenocidit në Srebrenicë dhe dënimit të mohimit të gjenocidit dhe glorifikimit të kriminelëve të luftës, Vuçiq për TV Prva deklaroi se, për dallim nga votimi i Malit të Zi, më rëndë është goditur nga qëndrimi i Shkupit, pa dallim të historive për qeverinë paraprake.
“Sjellja e Maqedonisë së Veriut nuk është fer, sepse më duket se më së shumti kam investuar në raportet me vëllezërit maqedonas dhe ata çdoherë do të jenë vëllezërit tanë. U tregua se Greqia (e cila votoi e përmbajtur) ka më shumë kurriz se Maqedonia e Veriut dhe ajo është ashtu, e duam apo nuk e duam ne atë”, deklaroi Vuçiq.
Votimin e Malit të Zi për rezolutën e ka pritur dhe potencoi se Mali i Zi asnjëherë nuk do të sjellë rezolutë për gjenocidin në Jasenova, pasi përfaqësuesit e serbëve në atë vend paralajmëruan se do të propozojnë miratimin e një dokumenti të tillë në Kuvendin e Malit të Zi.
Asambleja e Përgjithshme e OKB-së më 23 maj miratoi rezolutën që shpall 11 korrikun Ditë Ndërkombëtare të Përkujtimit të Viktimave të Gjenocidit në Srebrenicë. Rezoluta kaloi me 84 vota për. Kundër ishin 19, ndërsa abstenime 68. Rezoluta, ndër të tjera, bën thirrje edhe për “dënimin pa rezerva të çdo mohimi të gjenocidit në Srebrenicë, si dhe të veprimeve që i madhërojnë të dënuarit për krime lufte, përfshirë edhe ata që janë përgjegjës për gjenocidin”.
E-Diaspora
-
Dhuna në familje: shenjat, frika dhe parandalimi – përkrahja në Zvicër Në këtë intervistë, Blertë Berisha nga DOA (Dachorganisation Frauenhäuser Schweiz und Liechtenstein) flet për shenjat e... -
Reperi EAZ publikon këngë në mbështetje të Përparim Avdilit -
Samiti i Diasporës Shqiptare rikthehet me edicionin e katërt -
Rusi
Ramë Lahaj performon në Rusi, promovon kulturën dhe këngën shqipe -
Gjermani
Dy qytete në Gjermani drejt hapjes së shkollave shqipe
Jeta në Zvicër
-
Policia e Cyrihut forcon masat kundër kërcënimeve ideologjike Policia e qytetit të Cyrihut po merr masa për të identifikuar dhe parandaluar kërcënimet e motivuara... -
Studimi: Tokat e Evropës janë 70 përqind të mbuluara me pesticide -
Karnavalet zvicerane forcojnë masat e sigurisë nga zjarri pas tragjedisë në Crans-Montana -
Niveli i rrezikut 3: Alarm për stuhi në disa kantone zvicerane -
Ligjet e reja zvicerane që hyjnë në fuqi nga sot














