Protesta në Tiranë, hidhet molotov drejt Bashkisë

Nga flakët e molotovit rrezikohet jeta e efektivëve

“Aleanca për Mbrojtjen e Teatrit” së bashku me opozitën po zhvillojnë protestën e radhës para Bashkisë së Tiranës. Njësoj si herët e tjera, protesta është shoqëruar me tensione, pasi në drejtim të Bashkisë është hedhur molotov.

Në një moment molotovi rrezikoi jetën e efektivëve, të cilët përpiqen të fikin zjarrin. Ky është tubimi i nëntë, që bëhet kundër kryebashkiakut Erion Veliaj, e për të cilin demokratët e “Rithemelimit” dhe Partia e Lirisë kërkojnë largimin nga detyra.

Forca të shumta policie rrethuan godinën e Bashkisë, ndërkohë që edhe sot protestuesit hodhën bomba molotov dhe sende të tjera. Opozita e akuzon Erion Veliajn për përfshirje në korrupsion, pas arrestimit të disa prej drejtorëve më të rëndësishëm të bashkisë, në dosjen e njohur si “5 D”.

 

---