Hyjnesha… dhe Emrush Xhemajli në Lozanë

Natyrë e qetë: “Ksamili“, „Abstrakt“, portrete të gjalla: “Motra” e “Ëndërr e Blertë”… punuar me ngjyra uji e vaji ; u ekspozuan edhe në Lozanë këtë dimër nga piktori Emrush Xhemajli. Ai është aktiv që nga fëmijëria e gjer tani, dyzet vjet më pas.

Në hapje të ekspozitës ndër piktura të 1996-ës (natyrë e qetë “Appenzell“), “Rhein-a në Basel “ (2011), në mur u vunë edhe piktura të reja (2014) të cilat i kishte punuar me teknikë të paparë-me dhe të Kosovës, si: „Hyjnesha në fron” (simboli i Prishtinës) dhe „ Aleksandri i madh “.

Artistë, miq e artdashës zviceranë e shqiptarë ishin prezent në vernisazh, i hapur nga vet piktori.

Dhuntia që përplas ngjyrat me pasion përjetësohet në pëlhurë ; një shikim i thellë, dhe transmetohet fuqia e piktorit-artit, dhe përmbush zemrat. Këtë po e përcjell E. Xhemajli, pa pushuar së ekspozuari botën e tij-tonë artistike. Vitin e ardhshëm do të hapë ekspozitën në kantonin e Cyrihut në „Kronnen Galerie“ në maj 2016.

Përderisa ekspozita në Lausanne ende është e hapur, ajo mund të vizitohet gjer në pranverë të këtij viti në lokalet e “Beqaconsulting “ (Renens), nga e cila dhe po përkrahet.