Rekord i parave të falsifikuara gjatë vitit 2023, të konfiskuara në Zvicër

Është rritur sidomos shuma e dëmit të bërë në euro. Janë konfiskuar kartëmonedha euro me vlerë prej më shumë se 13 milionë franga

Gjatë vitit 2023 në Zvicër janë hequr nga qarkullimi më shumë para të falsifikuara se kurrë më parë. Këtë e tregojnë shifrat e Zyrës Federale të Policisë (Fedpol), transmeton albinfo.ch. Mbi të gjitha është rritur në mënyrë shpërthyese shuma e dëmit të bërë në euro.

Në vitin 2023 janë konfiskuar kartëmonedha euro me vlerë prej më shumë se 13 milionë franga. Në vitet e mëparshme vlera ishte nën shifrën dy milionë euro, shkruan “SonntagsBlick”. Janë konfiskuar edhe para të falsifikuara zvicerane. Në vitin 2023 shuma e tyre ishte pothuajse 2.5 milionë franga.

Sipas një zëdhënësi të Fedpol, rritja e eurove të falsifikuara të sekuestruara ka ndodhur kryesisht për shkak të konfiskimeve më të mëdha në të ashtuquajturat marrëveshje “Rip”.

Prej disa vitesh kriminelët e përdorin gjithnjë e më shumë këtë truk: së pari u tregojnë shitësve të mallrave luksoze çantat plot me fatura dhe i shpërqendrojnë ata nga vështrimi nga afër, transmeton albinfo.ch. Ata po ashtu i këmbejnë çantat me çanta të tjera, me para të falsifikuara në një moment të pavëzhguar.

 

---