Të pasurit kërcënojnë largimin nga Zvicra

(KEYSTONE/Christian Beutler)

Në korrik, Rinia Socialiste, një krah i Partisë Socialdemokrate, mblodhi mjaft firma për të nisur një iniciativë që kërkon vendosjen e një takse trashëgimie prej 50 për qind për ata, pasuria e të cilëve kalon 50 milionë franga.

Të ardhurat e këtij fitimi të papritur do të përdoren për shkaqe mjedisore dhe masa të kontrollit të klimës.

Një numër i pasurish tashmë kanë thënë se nëse kjo masë pranohet, ata do të largohen nga Zvicra, transmeton albinfo.ch.

Për mundësinë e një takse të tillë kanë reaguar politikanë të ndryshëm, por Këshilli Federal nuk ka dhënë mendim deri të premten.

Çuditërisht, ajo është kundër kësaj lëvizjeje, duke argumentuar se vendosja e një takse të madhe ndaj të pasurve “nuk është një mjet adekuat për arritjen e objektivave klimatike të Zvicrës”.

“Njerëzit e pasur kontribuojnë në mënyrë të konsiderueshme në komunitetet e tyre. Nëse ata largohen nga Zvicra me kompanitë e tyre, burime të konsiderueshme tatimore do të mungojnë. Barra për të kompensuar këto humbje në të ardhura do të bjerë mbi klasën e mesme”.