Akuzohen 5 persona, në mesin e tyre dy shqiptarë: Donin të hedhin bankomatët në erë

Të akuzuarit janë të rinj të moshës 23 deri në 30 vjeç. Ata vijnë nga Kosova, Turqia, Holanda. Një shtetas shqiptar është shpallur ndërkombëtarisht për arrestim

Zyra e Prokurorisë Federale ka ngritur në Gjykatën Penale Federale akuza kundër pesë personave për veprat penale të vendosjes së eksplozivëve. Ata dyshohet se kishin planifikuar të hidhnin në erë dhe të grabitnin ATM (bankomate) në Zvicër.

Katër nga të pandehurit janë arrestuar në korrik 2023 si pjesë e një operacioni policor në Strengelbach AG pasi hyrë me dhunë në një shtëpi. Kur shërbimet e emergjencës zbuluan në atë shtëpi eksploziv, forca shtesë u thirrën dhe u evakuuan ndërtesat përreth, transmeton albinfo.ch. Si rezultat, 40 persona duhej të kalonin pjesën tjetër të natës në një palestër.

Zyra e Prokurorit Federal (BA) njoftoi të enjten se të akuzuarit ishin të rinj të moshës 23 deri në 30 vjeç, shkruan sda.ch. Ata vijnë nga Kosova, Turqia, Holanda dhe aktualisht ndodhen në burg të parakohshëm.

Me zhvillimin e procesit, një person i pestë i dyshimtë u identifikua dhe u shpall ndërkombëtarisht për arrestim. Bëhet fjalë për një 30-vjeçar shqiptar, vazhdon BA. Të pesë të pandehurit janë aktualisht në paraburgim.

BA akuzon pesë të akuzuarit se kanë prodhuar së bashku tri pajisje shpërthyese dhe ndezëse jokonvencionale në një lokal berberi në Strengelbach AG, përcjell albinfo.ch. Mësohet se aty  kanë ruajtur edhe lëndë plasëse shtesë, me të cilën sipas aktakuzës synonin të krijonin një mjet të katërt shpërthyes dhe ndezës.

Sipas aktakuzës, të pandehurit kanë marrë sende të ndryshme piroteknike dhe materiale të tjera të nevojshme dhe i kanë transportuar nga Franca për në Zvicër. Ata ndyshohet se kishin në mendje të hidhnin në erë ATM-të. Në ditët para arrestimit të tyre, ata kishin vëzhguar mbi dhjetë bankomate në Zvicër, sipas BA.

---