Kosova

Policia e Kosovës dhe Shqipërisë me aksion kundër trafikimit të armëve, 24 të arrestuar

E enjte, 12 Dhjetor 2024 - 16:20 albinfo.ch
Foto sc FB: Policia e Shtetit

Prokuroria Speciale e Republikës së Kosovës pas nëntë muaj hetime në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Tiranë, ka shkatërruar një grup kriminal të trafikut të armëve që ishte aktiv në Kosovë e Shqipëri.

Policia e Shtetit në Shqipëri ka njoftuar se 24 persona janë arrestuar në të dyja shtetet, 10 në Shqipëri dhe 14 në Kosovë, transmeton albinfo.ch.

“Operacioni “Çmontimi” i mbështetur nga agjencitë ndërkombëtare si EUROPOL dhe EUROJUST u realizua nga skuadrat e përbashkëta hetimore operacionale që kombinojnë burime dhe ekspertizë të të dyja vendeve për të adresuar kërcënimet e përbashkëta.
Ky bashkëpunim i bazuar në besim, përkushtim dhe profesionalizëm ka sjellë rezultate konkrete dhe të prekshme në luftën kundër trafikimit të armëve dhe narkotikëve. Hetimet për finalizimin e dy fazave të këtij operacioni nisën në shkurt të vitit 2024, në Tiranë, pas informacioneve informative të grumbulluara nga Seksioni për Hetimin e Trafiqeve të Paligjshme, për dyshimin se shtetasi V. O., në bashkëpunim me persona të tjerë nga Shqipëria dhe Kosova, ishin të përfshirë në trafikimin e armëve nga Kosova në Shqipëri, dhe të lëndëve narkotike, kryesisht kokainë, nga Shqipëria në Kosovë”, u tha në konferencën e përbashkët.

“Operacioni, kundër trafikimit të armëve të zjarrit, ka rezultuar me ndalimin e 24 shtetasve, përkatësisht 10 në Tiranë dhe 14 në Kosovë, të cilët vepronin si grup për kryerjen e kësaj veprimtarie kriminale. Gjithashtu, gjatë hetimeve në kuadër të operacionit “Çmontimi”, janë sekuestruar në total 64 armë zjarri dhe municion luftarake, prej tyre 23 armë janë sekuestruar nga shërbimet e Drejtorisë Vendore të Policisë Tiranë dhe 41 armë janë sekuestruar në Kosovë”, u tha në njoftim.

Nga hetimet e zhvilluara janë dokumentuar raste të shitjes së armëve të zjarrit kryesisht pistoleta ‘Zoraki” të trafikuara nga Kosova drejt Shqipërisë.

Hetimet janë mbështetur edhe nga EUROPOL-i.

 Të tjera nga Kosova

Vizitë zyrtare gjermane te trupat e KFOR-it në Kosovë

 E-Diaspora

 Jeta në Zvicër