”Blick”: Shqipëria në kulm turistik

Blick shkruan për rritjen më të madhe të numrit të turistëve sipas UN-Tourism

Sipas një tabele e lansuar nga UN Tourism, organizata më e madhe botërore e turizmit, anëtarë të së cilës janë krejt shtetet e OKB, e të dhënat e së cilës janë botërisht të respektuara, tregon se Shqipëria zë vendin e parë me rritjen më të madhe të numrit të turistëve për vitin 2024, një zhvillim i paimagjinueshëm, shkruan Blick, përcjell albinfo.ch.

Barometri Botëror i Turizmit tregon se vendet klasike të pushimeve verore si Spanja, Greqia dhe Turqia tërheqin turistë më së shumti, por kur bëhet fjalë për rritjen e përqindjes më të lartë të turistëve gjatë pesë viteve të fundit, mbizotërojnë destinacione të tjera dhe këtu kryeson Shqipëria, shkruan Jean-Claude Raemy.

”Udhëtimi në Ballkan është trend! Kjo del nga shifrat e Barometrit të ri Botëror të Turizmit, të publikuar nga Organizata Botërore e Turizmit e OKB-së.

Këto vende evropiane kanë parë rritjen më të madhe të vizitorëve që nga viti 2019:

1. Shqipëria (+80%)
2. Andorra (+35%)
3. Malta (+29%)
4. Serbia (+29%)
5. Luksemburgu (+24%)
6. Lihtenshtejni (+20%)
7. Portugalia (+18%)
8. Danimarka (+17%)
9. Bosnje-Hercegovina (+15%)
10. Turqia (+14%)

Shqipëria është dukshëm në krye, ndërsa dy vende të tjera të Ballkanit, Serbia dhe Bosnjë-Hercegovina janë pjesë e dhjetëshes.

Shqipëria në kulm turistik

Marco Wipfli ka vite që është specializuar në udhëtimet e pushimeve në Ballkan me kompaninë e tij të udhëtimit ”Meersicht”, me seli në Zyrih. Ai vë në dukje një rritje të madhe të kërkesës turistike për Shqipërinë në Zvicër.

Vendi po përgatitet për të mirëpritur më shumë turistë.

”Unë nuk di asnjë rajon në botë ku aktualisht po zhvillohen aq shumë ndërtime sa në Rivierën Shqiptare”, u shpreh Wipfli.

Sapo të përfundojnë komplekset hoteliere, numri i turistëve do të rritet ndjeshëm. Këtë vit do të hapet një aeroport i ri në Vlorë. Kur kjo të ndodhë, udhëtarët do të mund të arrijnë në plazhet më të bukura të Shqipërisë për më pak se 30 minuta. Më parë, kjo udhëtim zgjaste rreth pesë orë nga aeroporti i Tiranës.

Profesionistja e udhëtimeve përmend çmimet e ulëta si arsye të kërkesës së lartë.

”Fortesat” rajonale të turizmit në Kroaci dhe Malin e Zi janë bërë shumë më të shtrenjta, mbi të cilat Shqipëria ofron një alternativë më të lirë.

Megjithatë, Wipfli supozon se çmimet në Shqipëri do të rriten në vitet e ardhshme.

https://www.facebook.com/share/p/18MgdpXY4y/?mibextid=wwXIfr

https://www.blick.ch/wirtschaft/balkan-boom-fuer-tourismus-albanien-und-bosnien-stark-im-kommen-id20643819.html?utm_campaign=Blick&utm_medium=social&utm_source=facebook&utm_content=Economics,Image-Post-Headline&fbclid=IwZXh0bgNhZW0CMTEAAR1V8cS30emQ0TjLbh4l2PWhwzR9wc5b4rRUDOwfW_0d9jK-J8-YGpOncJ8_aem_6EudR87-FxLIowCUrEmZeA

---