Mickoski: Kufiri nuk duhet të jetë mur, por duhet të jetë urë e përbashkët që lidh njerëzit

Kryeministri i Maqedonisë së Veriut, Hristijan Mickoski, në fjalën e tij gjatë vendosjes në funksion të sistemit “One Stop Shop” mes Maqedonisë së Veriut dhe Kosovës, tha se kufiri nuk duhet të jetë mur, por urë që lidh njerëzit, idetë dhe mundësitë. Mes tjerash, Mickoski potencoi se kur ka vullnet të sinqertë politik, nuk ka sfidë që nuk mund të kalohet, përcjell albinfo.ch.

“Kufiri mund dhe duhet të jetë ura jonë e përbashkët. Urë që lidh njerëzit, idetë dhe mundësitë. Urë përmes së cilës flasim dhe flitet për besim, bashkëpunim, shkëmbim ekonomik, zhvillim të kulturës dhe të turizmit. Urë që do ta kalojnë miliona qytetarë, por edhe miliona shpresa dhe plane. Kjo iniciativë dhe nismë është dëshmi se kur ekziston vullnet i sinqertë politik, vizion i përbashkët dhe qasje pozitive, nuk ka sfidë që nuk mund të kalohet.”