Të tjera
Serbia në krye të listës për përhapje të dezinformatave ruse, zbulon një studim ndërkombëtar

Një hulumtim i kryer nga Qendra për Informacion, Demokraci dhe Qytetari në Universitetin Amerikan të Bullgarisë ka nxjerrë në pah rolin e rëndësishëm të Serbisë në shpërndarjen e propagandës ruse. Sipas të dhënave të mbledhura nga rrjeti “Pravda” – një platformë e ngritur pas ndalimit të mediave shtetërore ruse në BE – Serbia renditet e katërta në botë për përqindjen e lartë të përmbajtjeve dezinformuese për kokë banori, përcjell albinfo.ch.
Analiza, e cila përfshiu mbi 643 mijë artikuj të publikuar nga dhjetori 2024 deri në mars 2025 në 45 vende, tregon se më shumë se gjysma e materialeve ishin të përqendruara në ish-republikat sovjetike dhe Ballkanin. Në këtë listë kryesojnë Moldavia, Letonia, Estonia dhe Serbia – ku niveli i përmbajtjeve është 31 herë më i lartë sesa në vendet perëndimore.
Hulumtimi përshkruan rrjetin “Pravda” si një “ekosistem global të dezinformimit”, me mbi 190 faqe aktive në 83 vende. Qëllimi: ndikimi politik dhe kulturor në rajone me interes strategjik për Moskën. Sipas raportit, përqendrimi i propagandës është mbi 50 herë më i madh në Ballkan sesa në demokracitë perëndimore.
“Objektivi është i qartë – dobësimi i orientimit euroatlantik përmes ndarjeve të brendshme dhe mosbesimit ndaj institucioneve demokratike”, theksohet në raport.
Vendet e Ballkanit përbëjnë vetëm 3.2% të popullsisë globale, por absorbojnë 16.2% të përmbajtjes së rrjetit “Pravda”. Përkundrazi, Evropa Perëndimore, me 43.7% të popullsisë, merr vetëm 21.3% të kësaj përmbajtjeje.
Raporti gjithashtu ngre shqetësim për vendimin e administratës amerikane për të ndërprerë financimin e Radios Evropa e Lirë – një nga zërat më të fuqishëm në luftën kundër propagandës ruse në rajon. Me një urdhër ekzekutiv të nënshkruar nga Presidenti Donald Trump më 15 mars, është shkurtuar buxheti i Agjencisë për Mediat Globale, duke prekur drejtpërdrejt edhe REL-in. Kjo lëvizje është cilësuar si “gabim strategjik” në një kohë kur dezinformimi është në rritje.
E-Diaspora
-
“20 Minuten” i kushton një artikull TikToker-it shqiptar për suksesin e tij në Zvicër “Thjesht flas në kamera” – Artani, ylli shqiptar i TikTok-ut që po bën bujë në Zvicër ...
-
Presidentja Vjosa Osmani fton mërgatën në pritjen tradicionale në Presidencë
-
Tri komuna arbëreshe në Itali shpallen zona të mbrojtura kulturore
-
Gazeta zvicerane shkruan për mërgimtarët: Parada luksoze e makinave në një dasmë në Kosovë
-
Sulm me armë në Nju-Jork: Pesë të vdekur, mes tyre edhe sulmuesi
Jeta në Zvicër
-
Sa kushton një kafe në Aeroportin e Cyrihut? Sa kushton një kafe në Aeroportin e Cyrihut? Çmimet variojnë nga 2.50 deri në 12.80 CHF...
-
“20 Minuten” i kushton një artikull TikToker-it shqiptar për suksesin e tij në Zvicër
-
Kujdestaria e përbashkët, së shpejti normë pas divorcit në Zvicër?
-
Keller-Sutter: Fati i tarifave doganore zvicerane në duart e Donald Trump
-
Rrezik i konsiderueshëm për përmbytje në Liqenin e Lucernës