Swisscoy bën shpallje për punësim të personelit femëror

Këtë vullnet të ushtrisë e ka përshëndetur edhe Zyra Federale për Barazi Gjinore. Por sipas saj shpallja eksplicite, vetëm për gra nuk është e qëlluar

Swiscoy, misioni ushtarak zviceran në kaudrin e KFOR-it, në Ksoovë ka aktualisht 235pjesëtarë, prej të cilëve 26 femra ose 11 për qind nga numri  përgjithshëm. Pasi që kjo përqindje konsiderohet shumë e ulët, Ministria e Mbrojtjes ka filluar të kërkojë me shpallje të veçantë kandidate femra për personelin e saj në Kosovë.

Sipas shpalljes, për një vend në këtë strukturë mund të paraqiten “femra me ose ka kualifikim ushtarak”. Se cila është arsyeja e një shpalljeje të tillë eksplicite për femra tregon për gazetën Sonntagszeitung zëdhënësi i Swisscoy-t, Mirco Baumann. “Nga njëra anë përvoja na ka treguar se femrat shpesh nuk janë të vetëdijshme se edhe ato kanë mundësi të japin kontributin e tyre  në Swisscoy. Dhe për këtë arsye ne deshëm t`u adresohemi atyre në mënyrë të drejtpërdrejtë,. E nga ana tjetër, gratë do të na sillnin me vete shkathtësi që janë të rëndësishme në një mision paqeruajtës”, transmeton albinfo.ch.

. “Shpalljet për vende pune që u drejtohen në mënyrë të drejtpërdrejtë grave ose burrave, ndonëse nuk janë ilegale, shkelin megjithatë përfytyrimin tonë të barazisë gjinore, thotë drejtoresha e kësaj zyre, Sylvie Durrer.

Edhe vetë Baumann, formulimin e shpalljes e konsideron si “të paqëlluar”. Por, sipas tij “trajtimi jo i barabartë i gjinive nuk është në interesin tonë. Meshkujt kanë natyrisht edhe më tutje të drejtë të konkurrojnë në Swisscoy”.