Gjeneva, e zemëruar me vendimin për taksat

(KEYSTONE/Christian Beutler)

Pas taksave rekord, Gjeneva duhet të paguajë më shumë në fondin kombëtar të barazimit ndërkantonal  më shumë se Zugu dhe Cyrihu.

Kantoni duhet t’i paguajë Bernës 543 milionë CHF, 125 milionë CHF më shumë se vitin e kaluar, transmeton albinfo.ch.

Normalisht, paratë vijnë direkt nga arkat e kantonit, por këtë vit ajo dëshiron ndihmë nga komunat.

Këshilltarja e Shtetit për Financat, Nathalie Fontanet, thotë se kantoni dëshiron të shpërndajë barrën dhe po kërkon 108 milionë CHF, 20 për qind të shumës totale.

Komunat janë të indinjuara. Ato thonë se nuk marrin asgjë në këmbim dhe gjithashtu dyshojnë se kantoni po sillet në mënyrë dinake, duke kërkuar paratë kaq shpejt pas zgjedhjeve komunale, duke ditur se shumë drejtues do të jenë të rinj.