Zvicra shton masat kundër ekstremistëve islamikë

Policia Federale ka intensifikuar aktivitetin e saj në ndalimin e hyrjes në Zvicër të shtetasve të huaj me qëndrim në Zvicer që propagojnë pjesëmarrjen në luftëra xhihadiste. Nga dhjetori i vitit të kaluar janë ndaluar 14 persona të kësaj kategorie.

Sipas autoriteteve zvicerane të drejtësisë këto grupime po shkaktojnë rrezikim të rendit dhe duhet penguar.

Numri prej 14 personave të cilëve brenda pesë muajve të fundit u është ndaluar hyrja në Zvicër është më i madh se ai i 11 muajve paraprakë, ka thënë për gazetën “NZZ am Sonntag” Nicoletta della Valle, drejtoreshë e Zyrës Federale të Policisë.