Parlamenti: Të thjeshtësohet lejimi i kanabisit në mjekësi

Qeveria Federale duhet të shqyrtojë nëse këtyre njerëzve në nevojë do t`u lehtësohet qasja për kanabisin natyror si mjet kundër dhimbjes

Pacientët që vuajnë nga dhembje të rënda, sot, me një leje të jashtëzakonshme nga Zyra Federale për Shëndetësi mund të marrin barna që kanë bazë kanabisin. Përkundër kësaj, shumë nga ta shfrytëzojnë rrugët ilegale për tu furnizuar me këto produkte. Kjo, pe¨r faktin se procedura e marrjes së një leje të tillë është e ndërlikuar dhe sigurimi shëndetësor nuk i mbulon shpenzimet e larta.

Me mocionin e bërë sot në parlamentin nacional nga Margrit Kessler (Partia GLP, Liberalët e Gjelbër), Qeveria Federale duhet të shqyrtojë nëse këtyre njerëzve në nevojë do t`u lehtësohet qasja për kanabisin natyror si mjet kundër dhimbjes.

Ajo e ka argumentuar mocionin e saj duke thënë se qëllimi është që këtë medikament ta kenë në dispozicion pa probleme burokratike personat që kanë nevoje për të. “Shumë pacientëve kjo nuk u mundësohet”, ka thënë ajo duke arsyetuar se qëllimi i saj nuk është legalizimi i kanabisit si mjet nga i cili krijohet varësi.
Në Dhomën Nacionale, mocionin e znj. Kessler e ka miratuar me 123 vota pr