“Dardania” e Bazelit përfundon kapitullin ndërregjional

Në lojën e fundit FC Dardania e Bazelit shënon fitore bindëse me rezultat 3:0 kundër SC Dornach. Golashënues ishin Bajram Salihu, Shqiprim Salihi dhe Egzon Ademaj, duke u përshëndetur pas vetëm një viti nga liga ndërregjionale.

“Ishte përvojë e bukur për ekipin. Në aspektin sportiv kjo përvojë ishte me siguri e përballueshme por disa atribute tjera si financiare dhe organizative, mungesa e personelit, prej trajnerëve të ndryshëm në të gjitha kategoritë e deri te kryesia ishin me siguri jo në nivel të kësaj lige. Mirëpo në kohën e fundit me formimin e Bordit nga disa biznesmenë shpresojmë për ditë më të mira”, thonë në këtë klub.

Diçka shumë pozitive është se thuaj të gjithë lojëtarët kyq edhe sezonin tjetër do të bartin fanelën kuq e zi, kurse trajneri Enver Hajdari dhe asistenti Olivier Grava janë tërhequr nga banka. Zëvendësues i tyre në sezonin vijues do të jetë Pepe Rafuna.