Hysen Durmishi emërohet ushtrues detyre i ministrit të MMPHI-së

Pas dorëheqjes së ministrit Liburn Aliu, Hysen Durmishi është caktuar ushtrues detyre i Ministrisë së Mjedisit, Planifikimit Hapësinor dhe Infrastrukturës në Kosovë. Deri më tani, Durmishi ka shërbyer si zëvendësministër.

Në një njoftim, Zyra e Kryeministrit thekson se Albin Kurti e ka uruar Durmishin për përgjegjësinë e re dhe i ka dëshiruar suksese në detyrë. Aliu dha dorëheqjen pas zgjedhjes së Dimal Bashës si kryeparlamentar, duke argumentuar se zgjedhja nuk ishte në përputhje me idealet e tij për Republikën.