46 viktima në vit nga ecjet në malet zvicerane

Pavarësisht një kulmi prej 68 vdekjesh në vitin 2020, rreziku i aksidenteve fatale gjatë ecjes në natyrë nuk është rritur vitet e fundit

Sipas gazetave “Le Matin Dimanche” dhe “SonntagsZeitung”, mesatarisht 46 persona vdesin çdo vit në Zvicër gjatë ecjes në natyrë dhe pjesëmarrjes në aktivitete alpine. Gazetat citojnë me këtë rast të dhëna nga Klubi Alpin Zviceran (SAC) dhe Instituti Federal Zviceran për Parandalimin e Aksidenteve (BFU).

Pavarësisht një kulmi prej 68 vdekjesh në vitin 2020, rreziku i aksidenteve fatale gjatë ecjes në natyrë nuk është rritur vitet e fundit, transmeton albinfo.ch. Luhatjet mund të shpjegohen kryesisht nga kushtet e motit.

Deri tani, viktimat më të shumta janë në Zvicrën Qendrore, e ndjekur nga Valisi dhe Berner Oberland. Kjo për shkak të rajoneve të njohura të ecjes në natyrë si Mythen, ku nëntëmbëdhjetë persona kanë vdekur që nga viti 2012, dhe Mali Pilatus, i cili shtrihet përgjatë kantoneve të Lucernës, Obwalden dhe Nidwalden.

---