Kosova

Fillon votimi me postë për votuesit jashtë Kosovës në Zgjedhjet Lokale

Votimi me postë për diasporën nis sot

E mërkurë, 17 Shtator 2025 - 13:15 albinfo.ch

Komisioni Qendror i Zgjedhjeve (KQZ) njofton se ka filluar votimi me postë për qytetarët e Kosovës të regjistruar jashtë vendit për Zgjedhjet Lokale për Kryetarë Komunash dhe Kuvende Komunale, përcjell albinfo.ch.

Periudha e votimit zgjat nga 17 shtatori deri më 11 tetor 2025 dhe përfshin 43,933 votues të regjistruar.

KQZ ka dërguar paketat me fletëvotime përmes postës, secila përmban: fletëvotimet, zarfin e fshehtësisë, udhëzuesin për plotësim dhe zarfin kthyes me shirit mbyllës.

Votuesit duhet të dërgojnë paketën individualisht në kutitë postare të KQZ-së në shtetin e tyre, të shënuara paraprakisht në zarf ose të zgjedhin një adresë të caktuar nga KQZ. /Albinfo.ch