Marshi me motorë nga “Liria ka emër” kalon përmes shtatë shteteve drejt Hagës

FB: Memli Krasniqi

Ideatori i platformës “Liria ka emër”, Ismail Tasholli, ka bërë të ditur sot detaje mbi marshin me motorë që do të nisë nga Prishtina me destinacion final Hagën.

Sipas tij, motoristët do të kalojnë përmes Shqipërisë, Malit të Zi, Kroacisë, Sllovenisë, Austrisë, Gjermanisë, Belgjikës dhe më pas në Holandë.

Tasholli, gjatë intervistës në “Info Magazinë” shtoi se gjatë rrugës pritet që marshit t’i bashkohen edhe klube të shumta motoristësh nga qytete të ndryshme të Evropës.

“Kemi vizituar disa klube evropiane dhe interesimi i tyre për pjesëmarrje është shumë i madh. Synimi është që në çdo qytet të rrugës të na bashkëngjiten motoristë të rinj,” theksoi ai.

Platforma “Liria ka emër” pritet të nis marshin më 15 tetor nga Prishtina drejt Hagës.