Neziri me shokë, openair me “Country” muzikë në ndihmë Kosovës

https://www.youtube.com/watch?v=Pn4YggZYD4o

Këngëtari dhe njëherësh pronari i një firme ndërtimi, Nezir Gjocaj së bashku me Georg Danter nga televizioni austriak WO-TV e kanë bërë qytetin Linz am Rhein për dy ditë me radhë një “Country-qytet”.

Në koncertin dyditor që kanë organizuar ata kanë sjellë yje të muzikës Country nga 22 vende, si nga Gjermania, Holanda, Rumania, Belgjika etj.

Organizatori Nezir Gjocaj i cili vjen nga Kosova përmes koncertit që e ka mbiquajtur “Country Woodstock” (duke iu referuar Woodstock-ut legjendar të muzikës rok nga viti 1969) ka dashur që me këtë event të ndihmojë Kosovën, vendin e tij të varfër.

Petra Borchers, moderatore e koncertit openair ka prezantuar gjatë dy ditëve këngëtarë të ndryshëm të veshur në stil kaubojsh me çizme dhe kapele karakteristike të cilët kane performuar për kënaqësinë e publikut, shkruan generalanzeiger.de. Ajo ka thënë se “Country Woodstock” është një festival i dashurisë, ashtu siç ka qenë ai origjinali, i vitit 1969, shkruan generalanzeiger.de. “Woodstock`është një sinonim për lirinë dhe dashurinë prandaj në shenjë të lirisë po zhvillohet edhe ky manifestim”, transmeton albinfo.ch.

Vizitorët e koncertit i ka përshëndetur edhe kryebashkiaku i qytetit, Hans Georg Faust i cili në cilësinë e patronit të këtij manifestimi ka thënë se Linzi po e dëshmon larushinë që ka tradicionalisht edhe me këtë koncert të madh.

Janina dhe Luisa, të bijat e Nezir Gjocajt me një kuti kanë lutur vizitorët të japin kontributin e tyre në para për projekte humanitare në Kosovë.
https://www.youtube.com/watch?v=Pn4YggZYD4o