Donauinselfest, festivali që mbledh miliona njerëz në Vjenë

Të premten ka filluar festivali i hapur Donauinselfest në Vjenë që është njëri nga festivalet më të mëdha në Evropë.

Në festivalin tradicional, i 32-të më radhë, i cili zgjatë tri ditë, do të përformojnë mbi 1500 këngëtarë dhe bende të njohura austriake dhe të huaj, ndërsa në mesin e tyre janë edhe  Thees Uhlmann, reperi Nazar, këngëtarja Anastacia, Natalie Imbruglia, Fritz Kalkbrenn e shumë të tjerë.

Vetëm të premten këtë festival sipas mediave austriake e kanë vizituar 1.1 milionë njerëz, njofton “albinfo.ch”.

Në skenat e Donauinselfest do të këtë atmosferë për të gjitha shijet e muzikës, ndërkohë organizatorët kanë planifikuar që gjatë ditës të këtë edhe aktivitete kulturore dhe sportive për fëmijë dhe familjarë.

“Jemi shumë të lumtur të njoftojmë se edhe këtë edicion, në shumicën e binave do të performojnë bende të njohura dhe do të ketë dicka për secilën shije, gjithashtu për familjarë dhe fëmijë” ka thënë Thomas Waldner, udhëheqësi i projektit të Donauinselfest.

Vitin e kaluar këtë festival e kanë vizituar afro 4 milion vizitorë, ndërkohë e ftuar për të kënduar ka qenë edhe këngëtarja shqiptare me fame botërore, Rita Ora.