Lajme

Ermal Dredha emërohet ambasador i Shqipërisë në Zvicër

E hënë, 3 Nëntor 2025 - 20:00 albinfo.ch

Pas largimit nga drejtimi i Bashkisë së Vlorës, Ermal Dredha është propozuar nga qeveria shqiptare për postin e ambasadorit të Shqipërisë në Zvicër.

Lajmi është konfirmuar nga top channel. Me këtë emërim, Dredha i rikthehet sërish diplomacisë, pasi më parë ka shërbyer si ambasador i Shqipërisë në Emiratet e Bashkuara Arabe gjatë periudhës 2016–2023.

Dredha mbajti detyrën e kryetarit të Bashkisë së Vlorës nga viti 2023 deri në shtator të këtij viti, kur dorëzoi zyrtarisht mandatin.

Emërimi i tij pritet të dekretohet nga Presidenti i Republikës, Bajram Begaj, brenda 30 ditëve nga propozimi i qeverisë.

 

 Të tjera nga Lajme

Kartat debit më të lira se kartat e kreditit jashtë vendit, tregon analiza në Zvicër

 E-Diaspora

 Jeta në Zvicër