Posta zvicerane teston dronët

Posta zvicerane është duke testuar dronët që në të ardhmen do të zëvendësojnë portierët  për të transportuar paketat e vogla. Fluturimet e para provë do të zhvillohet këtë muaj në Bernë “Seeland”.

Me testimin ekspertët do të zbulojnë se si dronët sillen nën kushte të ndryshme atmosferike. Droni  nuk do të dirigjohet nga distanca, por do fluturojë në një rrugë të paracaktuar.

Në të ardhmen, dronët mund të transportojnë, për shembull, mostrat laboratorike ose ilaçe.

Shfrytëzimi komercial i dronit mund të jetë pas 5 vjetëve, njoftojnë postat zvicerane.

Ideja për bartjen e paketave me dron nuk është e re. Projekti kishte nisur në fund të 2013-ës nga Amazon. Google gjithashtu po i kryen testet, ndërsa Posta gjermane më pas ka kryer testet dhe ka nisur menjëherë fluturimet e para me “DHL Paketkopter”.