Sporte Luftarake

Distria Krasniqi fiton medaljen e artë në Kroaci

E premte, 14 Nëntor 2025 - 18:40 albinfo.ch

Xhudistja nga Kosova, Distria Krasniqi e ka fituar medaljen e artë në Grand Prixin që po mbahet në Zagreb të Kroacisë.

Në finale ajo e mposhti hungarezen Reka Pupp teksa triumfi i saj shënon medaljen e parë e artë për Kosovën në Kroaci ndërsa numri mund të rritet edhe përmes Flaka Loxhës.

Krasniqi e kaloi raundin e parë pa lojë teksa në raundin e dytë, Krasniqi fitoi me Ippon ndaj xhudistes braziliane Amanda Lima, derisa në çerekfinale vazhdoi me të njëjtën ritëm ndaj francezes Pont Blandine, transmeton albinfo.ch.

Italianen Gaia Stella e ka mposhtur në gjysmëfinale, duke siguruar kështu të argjendtën për Kosovën.