Bedri Hamza uron 28 Nëntorin

Bedri Hamza: E kuqja dhe e zeza janë Shqipëri

Kryetari i PDK-së, Bedri Hamza, ka uruar qytetarët me rastin e 28 Nëntorit, ditës së Flamurit, Pavarësisë së Shqipërisë dhe ditëlindjes së komandantit Adem Jashari, përcjell albinfo.ch.

Përmes një postimi në Facebook, Hamza ka shkruar se e kuqja dhe e zeza sot nuk janë vetëm ngjyra duke shtuar se ato janë Shqipëri.

“28 Nëntori na mbush me krenarinë e të qenit shqiptarë. Nga flamuri i Skënderbeut në Krujë dhe shpallja e Pavarësisë së Shqipërisë në Vlorë, deri te ditëlindja e komandantit Adem Jashari, kjo ditë simbolizon çdo hap të rëndësishëm në rrugën tonë drejt lirisë. E kuqja dhe e zeza, sot nuk janë vetëm ngjyra. Janë Shqipëri. Janë betim për një të ardhme prosperuese për shqiptarët. Gëzuar dhe festofshim gjithmonë me dinjitet!”, ka shkruar Hamza.

---