Ambasadori izraelit në Zvicër: Njohja e Palestinës do të ishte një akt armiqësor

Ambasadori Tibor Schlosser i referohet Shtetit të Palestinës si një "fantazmë": "Shpresoj që Zvicra të mos njohë një fantazmë", shprehet ai

Norvegjia, Franca, Spanja, Irlanda dhe Mbretëria e Bashkuar e kanë njohur tashmë shtetin e Palestinës. Megjithatë, Këshilli Federal Zviceran nuk ka ndërmend ta njohë Palestinën si shtet për momentin. Ministri i Jashtëm Ignazio Cassis e riafirmoi këtë qëndrim këtë të mërkurë, transmeton albinfo.ch. Megjithatë, një sondazh i kohëve të fundit përfaqësues tregoi se njohja aktualisht gëzon mbështetjen e shumicës në mesin e popullsisë.

Politikanët e krahut të majtë dhe të gjelbër kanë njoftuar gjithashtu një iniciativë përkatëse popullore, raporton srf.ch.

Për ambasadorin izraelit në Zvicër, Tibor Schlosser, kriteret ligjore për njohje nuk janë përmbushur. Ai i referohet Shtetit të Palestinës si një “fantazmë”: “Shpresoj që Zvicra të mos njohë një fantazmë”, shprehet ai.

Norvegjia e njohu Palestinën vitin e kaluar. “Ne e perceptuam atë që bëri Norvegjia si një akt armiqësor”, tha Tibor Schlosser në programin e lajmeve të së shtunës të SRF. Si rezultat, Norvegjia u detyrua të mbyllte përfaqësinë e saj në Bregun Perëndimor Palestinez, përcjell albinfo.ch. Zvicra gjithashtu operon një zyrë atje, e cila, ndër të tjera, merret me ndihmën humanitare. Rrjedhinisht sipas tij, nëse Zvicra do të njihte një shtet palestinez, kjo mund të ketë pasoja për ndihmën humanitare të Zvicrës në regjion.

Tibor Schlosser tha gjithashtu se mirëpriti përpjekjet humanitare të Zvicrës për viktimat e luftës në Lindjen e Mesme.

---