Qyteti i Lucernit do të ulë taksat

Votuesit miratuan buxhetin e vitit 2026, i cili përfshin një ulje prej 78.3 për qind të normës së taksave

Në qytetin e Lucernit, taksat për individët dhe bizneset do të ulen vitin e ardhshëm. Votuesit miratuan buxhetin e vitit 2026, i cili përfshin një ulje prej 78.3 për qind të normës së taksave, u bë e ditur të dielën nga institucionet e qytetit.

Lucerni e kishte ulur tashmë normën e taksave edhe në vitet 2023, 2024 dhe 2025, transmeton albinfo.ch. Për vitin 2026, Këshilli (parlamenti) i Qytetit vendosi për një ulje të mëtejshme kundër dëshirës së qeverisë së qytetit, shkruan sda.ch-

Ulja e taksave u justifikua nga Partia e Qendrës (Die Mitte), FDP (Partia Liberale), SVP (Partia Popullore Zvicerane) dhe GLP (Partia Liberale e Gjelbër) duke përmendur situatën e shëndoshë financiare të qytetit.

Në fakt, buxheti ende parashikonte një tepricë prej 26 milionë frangash zvicerane. SP (Partia Socialdemokrate) dhe Partia e Gjelbër e hodhën poshtë uljen e taksave.

---