Ipeshkvi i Bazelit kundër mbylljes së kufijve për azilkërkuesit

Felix Gmür e ka quajtur krejtësisht të pamend propozimin që të mbyllen kufijtë për azilkërkuesit. “Kjo nuk i sjell askujt asgjë, e as Zvicrës"

Keystone

Kreu i Ipeshkvisë më të madhe të Zvicrës, asaj të Bazelit, Felix Gmür ka drejtuar kritika në drejtim të politikës zvicerane për siç ka thënë ai “shpirtngushtësi” në temën e azilit. Ai në një intervistë që i ka dhënë gazetës “Schweiz am Sonntag” ka theksuar se “disa politikanë janë veçanërisht në temat për aziluin dhe për tatimet janë tepër mendjengushtë.

Ai e ka quajtur krejtësisht të pamend propozimin që të mbyllen kufijtë për azilkërkuesit. “Kjo nuk i sjell askujt asgjë, e as Zvicrës”, ka thënë Gmür.

Kreu i lartë katolik i ka bërë apel Zvicrës që të ofrojë më tepër në bashkëpunimin zhvillimor me vendet tjera. “Ne të gjithë nuk i shterojmë të gjitha mundësitë tona për të promovuar arsimin, infrastrukturën dhe shtetin e të drejtës. Kjo është për keqardhje”, ka thënë Felix Gmür, ipeshkvi i Ipeshkvisë së Bazelit.