Vonesa në pagesën e përfitimeve të papunësisë në Zvicër

Foto ilustrim

Një problem teknologjik në Sekretariatin Shtetëror për Çështjet Ekonomike (SECO) po shkakton vonesa në pagesën e përfitimeve të papunësisë, duke krijuar shqetësim te të papunët që presin këto pagesa.

SECO siguron se po punohet intensivisht për të zgjidhur problemin dhe se pagesat po rriten gradualisht. Jérôme Cosandey, kreu i divizionit të punës, tha se sistemi po përmirësohet çdo ditë dhe synohet që shumica e pagesave të bëhen deri në fund të janarit, transmeton albinfo.ch.

Megjithatë, mijëra të papunë ende nuk kanë marrë përfitimet e tyre për muajin janar. Autoritetet kantonale, përfshirë Fribourg-un, kërkojnë masa të shpejta dhe konkrete për përmirësimin e sistemit IT.