Tiranë: 120 mijë besimtarë falin Bajramin në sheshin “Skënderbej”

Atmosferë madhështore në Tiranë, 120 mijë besimtarë festojnë Fitër Bajramin

Mijëra besimtarë myslimanë në Shqipëri kanë kremtuar sot festën e Fitër Bajramit, duke përmbyllur 30 ditët e agjërimit gjatë muajit të shenjtë të Ramazanit, përcjell albinfo.ch.

Qendra e festimeve ishte kryeqyteti, ku rreth 120 mijë besimtarë u mblodhën në sheshin “Skënderbej” për të falur namazin e Bajramit. Që në orët e para të mëngjesit, sheshi u mbush me qytetarë të ardhur nga Tirana dhe zona të tjera, duke krijuar një atmosferë të veçantë shpirtërore dhe festive.

Ceremonia e faljes u zhvillua në një frymë paqeje, solidariteti dhe bashkimi, ndërsa besimtarët përcollën mesazhe për më shumë mirëkuptim, dashuri dhe harmoni në shoqëri.

Fitër Bajrami shënon fundin e muajit të Ramazanit dhe konsiderohet një nga festat më të rëndësishme për besimtarët myslimanë, e cila simbolizon sakrificën, përkushtimin dhe solidaritetin me ata në nevojë./Albinfo.ch.

---