Aksident i rëndë në A3 pranë Urdorfit, disa të plagosur dhe autostrada e bllokuar

Në aksin Autostrada A3 në Urdorf është regjistruar një përplasje e rëndë mes një veture dhe një kamioni, duke lënë disa persona të lënduar.

Një aksident i rëndë trafiku ka ndodhur të martën në mëngjes në Autostrada A3, në segmentin mes Urdorf Nord dhe Urdorf Süd, ku një veturë është përplasur me një kamion, përcjell albinfo.ch.

Sipas raportimeve fillestare, në aksident janë përfshirë disa automjete, ndërsa disa persona kanë mbetur të plagosur. Në vendngjarje është angazhuar edhe një helikopter i shpëtimit për transportimin e të lënduarve në spital.

Autoritetet kanë konfirmuar se në aksident është përfshirë të paktën një kamion dhe një veturë, ndërsa ende nuk dihet saktësisht numri i plotë i automjeteve të përfshira.

Për shkak të incidentit, Autostrada A3 në drejtim të Basel është mbyllur për qarkullim, duke shkaktuar kolona të gjata dhe vonesa të konsiderueshme. Autoritetet kanë kërkuar nga shoferët që të shmangin zonën dhe të përdorin rrugë alternative, ndërsa hetimet për shkaqet e aksidentit janë duke vazhduar./Albinfo.ch

 

https://x.com/KapoZuerich/status/2043967835534229729/photo/1

 

 

---