Mërgimtarët ia mësyjnë Kosovës, rritet fluksi në pikat kufitare

Fluks i mërgimtarëve në pikat kufitare, rriten pritjet për hyrje në Kosovë

Janë përditësuar të dhënat për gjendjen në pikat kufitare të Kosovës, ku në disa prej tyre janë regjistruar pritje të shtuara për hyrje në vend.

Sipas informacioneve më të fundit, pritjet më të gjata janë në pikën kufitare Dheu i Bardhë, ku kolona e automjeteve arrin deri në 100 metra, ndërsa koha e pritjes shkon deri në 20 minuta.

Ndërkohë, në pikën kufitare Jarinje, qytetarët po presin nga 20 deri në 30 minuta për të hyrë në Kosovë.

Në pikat e tjera kufitare, situata paraqitet më e qetë, pa kolona të gjata dhe me pritje të shkurtra për udhëtarët.

---