Adrian Hajdari debuton për Rapid Wien

19-vjeçari nga Gostivari i Maqedonisë së Veriut ka debutuar në ekipin e parë të skuadrës së madhe austriake Rapid Wien, në barazimin 2-2 kundër FK Austria

Mbrojtësi shqiptar, Adrian Hajdari, ka realizuar ëndrrën e tij. 19-vjeçari nga Gostivari i Maqedonisë së Veriut ka debutuar në ekipin e parë të skuadrës së madhe austriake Rapid Wien, në barazimin 2-2 kundër FK Austria, në kuadër e javës së 17-të.

Hajdari ka hyrë në lojë në fillim të pjesës së dytë, duke bërë një paraqitje mbresëlënëse.

Kur hyri në lojë, pak kush e dinte në stadium se kush ishte djaloshi i gjatë 1.72 cm, por me paraqitjen e tij ai bëri për vete jo vetëm trajnerin, por edhe shikuesit, raporton albinfo.ch.

“Adi është lojtar teknik dhe i fortë në dyluftime. Ai i bëri shumë mirë detyrat e tij”, thotë trajneri Dietmar Kühbauer, shkruajnë mediat austriake.

Pas kësaj ndeshjeje për Adrianin janë të hapura dyert e karrierës së tij futbollistike, ku shumë shpejt mund të shndërrohet në një yll në elitën e futbollit austriak.

 

---