Afro 2 milionë të huaj jetojnë në Austri

Gjermanët përbëjnë grupin më të madh të shtetasve të huaj që jetojnë në Austri

Statistikat austriake tregojnë se më 1 janar 2023, në Austri jetonin gjithsej 1,730,286 persona me shtetësi të huaj, shkruan albinfo.ch.

Si rezultat, në të njëjtën periudhë të vitit 2022, përqindja e shtetasve të huaj në totalin e popullsisë u rrit nga 17,7 për qind, në 19,0 për qind këtë vit.

Vitin e kaluar numri i shtetasve të huaj është rritur me 143.577 persona, ose +9.0 për qind, nga ana tjetër, numri i shtetasve austriakë është ulur me -16.380 persona ose -0.2 për qind.

Gjermanët përbëjnë grupin më të madh të shtetasve të huaj që jetojnë në Austri me 225,106 persona. Ndërkohë kombësia e dytë më e madhe është Rumania, me 147.403 qytetarë, para 122.016 shtetasve serbë që zënë vendin e tretë.

Në vitin 2022 rritje të madhe kanë regjistruar edhe qytetarët ukrainas me +66,899 persona. Përveç kësaj, në fillim të këtij viti, me 79,572 banorë, ukrainasit ishin kombësia e nëntë më e madhe e huaj në Austri.

 

---