Vrasja në Austri- arrestohet edhe shitësi i armës

Zhvillime të reja kanë dalë në dritë për rastin e Zoja O., nënës së vrarë të katër fëmijëve, e cila u qëllua dhe u ther brutalisht nga ish-bashkëshorti i saj.

Siç ka mësuar oe24, një tjetër shqiptar – ish-i dënuar për raste delikte, i cili dyshohet se ia ka shitur armën e zjarrit të dyshuarit për vrasje, është arrestuar, transmeton albinfo.at.

Gjatë ditës së sotme mediat austriake kanë raportuar për rezultatet paraprake të autopsisë së kryer ndaj Zoja O. (38), e cila u vra në qytetin Sooß, komuna e Baden, në Austrinë e Ulët. Rezultatet e autopsisë kanë treguar se, viktima kishte tre plagë me armë zjarri dhe më shumë se 40 plagë me thikë. Këto të fundit iu shkaktuan me goditje tepër të forta duke përdorur një kaçavidë, të cilën ish-bashkëshorti e kishte sjellë me vete së bashku me pistoletën.

Pistoleta u ble për 900 euro nga një ish-i dënuar.

Pistoleta me të cilën David O. – i mbrojtur nga avokati Manfred Arbacher-Stöger – qëlloi (ish)gruan e tij, është një Beretta 9 mm, të cilën 47-vjeçari e bleu nga një bashkatdhetar në Wiener Neustadt për 900 euro. Tregtari i armëve (44), i cili dyshohet se i ofroi vrasësit të dyshuar më vonë tre pistoleta të tjera në takimin e tyre – përfshirë një Zastava dhe një pistoletë belge – nuk është i panjohur me ligjin. Ai është një shkelës i dhunshëm i përsëritur që kreu 16 vjet burg në Stein dhe madje iu desh të vuante dy vjet të tjera për sjelljen e tij të dyshuar të pahijshme pas hekurave. Ai ka qenë i lirë vetëm për një vit e gjysmë – dhe menjëherë është përfshirë përsëri në aktivitete të paligjshme.

Sipas mediave austriake, i arrestuari për shitjen e armëve është A.M. i njohur për policinë e Austrisë i cili në vitin 2007 kishte qëlluar dhe plagosur një puntor të sigurimit në një diskotekë në Baden, përcjell albinfo.at

Shitësi i armes i arrestuar të martën do të duhet të përgjigjet përsëri për rolin e tij si bashkëpunëtor në vrasje ose tentativë vrasjeje. Ai dyshohet se e dinte saktësisht se çfarë kishte ndërmend të bënte blerësi me armët dhe se kishte qenë “plotësisht indiferent” ndaj faktit se shitja e armës do të çonte në një vrasje të një gruaje./Albinfo.ch/