Kosova

Akil Gjakova renditet i pesti në Grand Prix

E shtunë, 19 Gusht 2023 - 19:40 albinfo.ch

Në garën “Grand Prix” të xhudos në Zagreb, Akil Gjakova është renditur i pesti. Ai garoi sot në kategorinë deri 73 kilogramë, ndërsa për medalje të bronztë u mposht nga garuesi i Kazakistanit, Bakhitzhan Abdurkhmanov, shkruan albinfo.ch.

Gjakova e nisi ditën me fitore ndaj xhudistit tjetër të Kazakistanit, Darkhan Koibagar, vazhdoi me formë të lartë edhe në duelin e dytë, në të cilin e mposhti Oron Ginerin e Izraelit. Në çerekfinale e mposhti sllovenin Martin Hojak, ndërsa gjysmëfinalen e fortë e humbi nga Redouane Dris i Algjerisë.

Në këtë garë në Zagreb morën pjesë edhe Flaka Loxha, Loriana Kuka e Dardan Cena, por nuk iu afruan zonës së medaljeve.