Akil Gjakova synon Medaljen e Bronztë në Paris

Xhudisti kosovar, Akil Gjakova, do të luftojë për Medaljen e Bronztë në Grand Slamin e xhudos në Paris, përcjell albinfo.ch.

Gjakova ka bërë paraqitje të mirë duke shënuar katër fitore në kategorinë -73 kg dhe tani, për të siguruar një vend në podium, pritet të përballet në repesazh me garuesin nga Taxhikistani, Behruzi Khojazoda.

Në të njëjtën kategori, Dardan Cena ka bërë një paraqitje mbresëlënëse duke regjistruar tre fitore radhazi. Megjithatë, pas ndaljes në çerekfinale dhe repesazh, ai renditet në pozitën e shtatë.

Për Laura Faziun, xhudisten tjetër kosovare në këtë garë, nuk ka qenë një ditë e mirë, pasi ajo është ndalur në raundin e tretë në kategorinë -63 kg.

Sot është dita e dytë e garave, ndërsa në diten e parë të këtij organizimi, Distria Krasniqi ka fituar Medaljen e artë. Ndërkohë, Nora Gjakova ka përfunduar në vendin e peste