Aksident i rëndë në rrugën Prishtinë-Podujevë, humbin jetën dy persona

Policia e Kosovës ka konfirmuar se në aksidentin e ndodhur sot rreth orës 09:30, në rrugën Prishtinë-Podujevë, kanë humbur jetën dy persona.

Në një njoftim në Facebook, Policia e Kosovës ka shkruar se në aksident kanë qenë të përfshira tri automjete.

“Si pasojë e këtij aksidenti, bazuar në të dhënat fillestare, lëndime trupore kanë pësuar 11 ( njëmbëdhjetë) persona, dy prej të cilëve nuk kanë mundur tu përballojë plagëve të marra dhe të njëjtit, kanë ndërruar jetë. Vdekjen e viktimave e ka konstatuar ekipi mjekësor në vendngjarje”.

Policia ka shtuar se hetuesit nga njësiti i hetimeve të trafikut rrugor në koordinim me prokurorin e shtetit, që poashtu ndodhet në vend ngjarje janë duke u marrë me rastin.

Ndryshe deri në përfundimin e ekzaminimeve në vendngjarje, Policia ka lutur qytetarët që të shfrytëzojnë rrugët alternative, pasi që rruga është e bllokuar aktualisht.