Aksident mes çiklistit dhe motoçiklistit, humb jetën një kosovar 61-vjeçar

Pasditen e hershme të së enjtes, në Komunën Rheineck të St. Gallenit, është shkaktuar një aksident në mes të një çiklisti dhe një motoçiklisti. Sipas komunikatës policore, në këtë aksident jetën e ka humbur në vendngjarje një person 61-vjeçar

Të enjten pasdite rreth orës 13.20, një aksident fatal ka ndodhur në rrugën “Bahnhofstrasse” në Rheineck SG. Sipas hetimeve të deritanishme policore, një biçiklist 61-vjeçar ka qenë duke dalur nga hapësira e Coop-it. Nga atje ai iu bashkua komunikacionit në rrugën “Bahnhofstrasse”.

Aty ai është përplasur me një motoçiklist 55-vjeçar. Çiklisti 61-vjeçar kosovar nuk iu mbijetoi plagëve të marra, pavarësisht përkujdesjes së menjëhershme mjekësore. Motoçiklisti kaloi pa ndonjë lëndim, informon më tej Albinfo.ch.

Për momentin ende mbetet e paqartë se si ka ndodhur saktësisht aksidenti, ndërsa hetimet janë duke vazhduar deri në ndriçimin e plotë të rastit.

---