Aktorët flasin për përvojat në filmin që trajton incidentet racore

Si një zezak që është lindur dhe rritur në Shtetet e Bashkuara, aktori John David Washington nuk ka qenë ndonjëherë viktimë e dhunës dhe racizmit.

Por ai u trondit kur u përgatit për të luajtur rolin e një polici të Nju-Jorkut, i cili qëllon një afro-amerikan të paarmatosur në filmin “Monsters and Men”.

“E kam studiuar dhe praktikuar rolin për rreth një muaj dhe mund të them se ato ishin net pa gjumë për mua”, ka thënë mes tjerash Washington.  

“Monsters and Men” është në mesin e një varg filmash të frymëzuar nga vrasjet e burrave dhe grave të paarmatosura nga policët, raste që kanë nxitur trazira dhe protesta masive në qytetet amerikane.

Filmi shpjegon një incident dhe tregon jetën e tre burrave zezakë që jetojnë në lagjen Bruklin të Nju-Jorkut.

Anthony Ramos ndërkaq e luan personazhin e një babai, i cili siguron një xhirim të policisë dhe është në konflikt me një polic për ta publikuar atë.  

“Filmi nuk është sugjestiv. Nxjerr në pah se çfarë po ndodh tani në vendin tonë, si pozitivisht ashtu edhe negativisht”, tha Washingtoni, 34 vjeç, i cili është djali i aktorit të madh Denzel Washington.

Të shtënat e policisë dhe incidentet racore në Shtetet e Bashkuara gjithashtu nxitën Netflixin të lansojë “Seven Seconds”, “BlacKkKlansman” dhe “Blindspotting” dhe filmi “The Hate U Give” që do të shfaqet prej nesër në kinematë amerikane.