Aktorja Selma Blair ka sklerozë të shumëfishtë

Aktorja amerikane, Selma Blair, ka zbuluar se ajo ka sklerozë të shumëfishtë.

46-vjeçarja ka thënë se ajo ishte diagnostikuar në muajin gusht, por ka pasur simptoma për vite me radhë, përcjell albinfo.ch.

“Jam me aftësi të kufizuara, ndonjëherë rrëzohem. Ndërsa shpesh më bien gjërat nga dora”, ka thënë Blair.

Skleroza e shumëfishtë është gjendje e pashërueshme që prek trurin ose palcën kurrizore, duke shkaktuar probleme muskulore.

Skleroza, dy ose tri herë është më e pranishme te gratë se sa te meshkujt, dhe zakonisht diagnostikohet te njerëzit e moshës 20 dhe 30-vjeçare.