Alesia Toska diplomon me sukses maksimal në Universitetin e Sapiences në Romë

Një tjetër shqiptare që shkëlqen jashtë vendit, Alesia Toska diplomon në Romë

Alesia Toska ka përmbyllur me sukses një kapitull të rëndësishëm dhe të ndritur të jetës së saj akademike, duke u diplomuar në Universitetin prestigjioz të Sapiences në Romë, shkruan albinfo.ch.

Universitetin Sapiences në Romë vlerësohet si një ndër institucionet më prestigjioze të arsimit të lartë në Itali dhe Evropë.

Ajo ka arritur të shkëlqejë gjatë gjithë rrugëtimit të saj universitar, duke e përfunduar studimin me maksimumin e notave.

Ky arritje e lartë është dëshmi e përkushtimit, punës së palodhur dhe talentit të saj, dhe një shembull frymëzues për të gjithë të rinjtë që synojnë ekselencën në fushën e arsimit.

Diploma nga një prej universiteteve më të njohura në Evropë i hap rrugë mundësive të shumta për Alesian në të ardhmen akademike dhe profesionale. /Albinfo.ch

---