Lajme
Amazon humb 1 trilion dollarë
Amazon.com Inc. është kompania e parë publike në botë që humb 1 trilion dollarë në vlerë tregu, për shkak të disa faktorëve si inflacioni në rritje, politikave shtrënguese monetare dhe përditësimeve zhgënjyese të fitimeve, të cilat shkaktuan rënie historike të aksioneve këtë vit.
Aksionet e shoqërisë së e-commerce dhe cloud ranë me 4.3% të mërkurën, duke e ulur vlerën e saj të tregut në rreth 879 miliardë dollarë, nga shifra rekord 1.88 trilionë dollarë në korrik 2021.
Amazon dhe Microsoft Corp. kanë gjithnjë kokë më kohë në garën për arritjen e këtij rekordi, ku prodhuesi i software Windows ka humbur 889 miliardë dollarë nga kulmi i nëntorit 2021.
Pesë kompanitë e para teknologjike amerikane sa u përket të ardhurave kanë humbur këtë vit thuajse 4 trilionë dollarë në vlerë tregu.
Shitësi më i madh online me pakicë në botë e ka kaluar këtë vit duke iu përshtatur ngadalësimit të fortë të rritjes së e-commerce, ndërsa blerësit u janë rikthyer zakoneve të para pandemisë.
Aksionet e saj kanë rënë me thuajse 50% për shkak të ngadalësimit të rritjes, rritjes së kostove dhe rritjes së normave të interesit.
Që nga fillimi i vitit, pasuria e bashkëthemeluesit Jeff Bezos është zvogëluar me 83 miliardë dollarë, në 109 miliardë, sipas të dhënave të Bloomberg.
Muajin e kaluar, Amazon parashikoi rritjen më të ngadaltë të të ardhurave për një tremujor festiv në historinë e kompanisë, duke qenë se blerësit po kufizojnë shpenzimet, për shkak të paqartësive ekonomike.
Për këtë arsye, vlera e tregut e kompanisë është nën 1 trilion dollarë për herë të parë nga bumi i aksioneve në sektorin e teknologjisë, i nxitur nga pandemia më shumë se dy vite më parë.
Të tjera nga Lajme
E-Diaspora
-
Washington Post shkruan për zërin e sopranos shqiptare, Ana Naqe Sopranoja shqiptare, Ana Naqe është nje soprano shqiptare qe jetoj prej 20 vitesh ne Evropë. Ajo...
-
8 filma nga Kosova dhe Shqipëria do të prezantohen në Festivalin e Filmit “goEast” 2024
-
Partneritet mes studentëve të Universitetit të Lucernit dhe atyre nga Maqedonia
-
Bashkëpunim mes Kosovës dhe Suedisë në fushën e teknologjisë
-
Gjykimi i shqiptarit për vrasjen e dyfishtë në Bazel, nën masa të forta sigurie
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt të Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët