Manifestime
Ambasadori Elezi, ligjëroi para studentëve shqiptarë të Zürichut
Ligjërata para studentëve shqiptarë, me temën “Gjuha shqipe dhe identiteti shqiptar”, u mbajt në kuadrin e 100-vjetorit të pavarësisë
Në kuadrin e veprimtarive për 100-vjetorin e pavarësisë ambasadori i Shqipërisë në Bernë, Mehmet Elezi mbajti ditë më parë ligjëratën “Gjuha shqipe dhe identiteti kombëtar” me studentët shqiptarë të Universitetit të Zurichut. Veprimtaria u organizua në bashkëpunim me shoqatën e studentëve shqiptarë të këtij universiteti, bëhet e ditur në një njoftim të Ambasadës
Studentët shqiptarë të Universitetit të Zurichut janë me prejardhje kryesisht nga Kosova e Maqedonia, shumica janë të rritur në Zvicër. Për këtë arsye ata e pritën me interes të veçantë një ligjëratë të tillë. Auditori ishte i mbushur plot, disa qëndronin në këmbë. Kishin ardhur edhe ish-studentë të diplomuar aty, tashmë të punësuar në Zvicër, si dhe studentë nga Universitetet e Bernës e të Bazelit.
Pas ligjëratës u bënë shumë pyetje. Ligjërata dhe pyetjet ishin të përqëndruara rreth lashtësisë dhe karakterit indoeuropian të gjuhës shqipe, shkrimit të saj, alfabetit latin dhe sfidave të sotme përballë integrimit dhe të globalizmit. U theksua se pa ruajtur gjuhën shqipe nuk mund të ruhet identiteti kombëtar shqiptar.
Veprimtari të ngjashme janë planifikuar edhe me shoqatat e studentëve shqiptarë në Universitetin e Gjenevës dhe të Lozanës, thuhet në njoftimin e ardhur nga Ambasada e Shqipërisë në Bernë .
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?