Amir Rrahmani shkëlqen kundër Fiorentinës, merr notë të lartë

Duket se mbrojtësi Amir Rrahmani, po vazhdon me lojë të mirë në fanellen e Hellas Verona në Seria A të Italisë.

Në formë të lartë ishte edhe në ndeshjen me Fiorentinën, në javën e 13-të që skuadra e tij e mposhti me rezultat 1 me 0.

Golin e vetëm e shënoi Samuel di Carmine në minutë e 66-të për Veronën.

Mbrojtësi kosovar pas këtij takimi mori vlerësim të lartë, notën 8.0.

Kujtojmë se Amiri ka bërë deri më tani 14 paraqitje në të gjitha garat me skuadrën debutuese në Serie A, përcjell albinfo.ch.