Angela Martini, në lidhje me producentin e Brad Pittit

Ajo është një nga femrat më të bukura jo vetëm në trojet shqiptare, por edhe në Zvicër. Për më shumë se një vit nuk është folur për asnjë lidhje të re. Por, Angela Martini (29) tashmë është sërish e dashuruar. Modelistja shqiptare – zvicerane është duke shijuar lidhjen më rumunin Dragos Savulescu (38), producent i njohur i kinematografisë hollivudiane. “Ata janë shumë të lumtur që kanë takuar njëri-tjetrin”, thotë një mik i çiftit  për gazetën “Blick”, përcjell albinfo.ch.

Martini banon prej dhjetë vjetësh në Amerikë. Bukuroshja shkodrane ka qenë disa herë e përfolur për lidhjet e saj, ndër ato që ajo edhe vetë i ka pranuar janë më futbollistin shqiptar Pajtim Kasamin, pastaj më pasanikët: zviceranin Tim Vögele (25-vjeçar, ish i dashuri i Paris Hilton) dhe turkun Baran Süzer (35). Në vitin 2010 ajo përfaqësoi Shqipërinë në Miss Universe, duke u radhitur ndër 10 bukuroshet më të mira.

Në vitin 2014 Angela lanson koleksionin e veshjeve të brendshme “Martini Bikini”.

Në anën tjetër, rumuni Dragos Savulscu jeton prej vitit 2013 në Los Angjelos. Më parë ai ishte president i klubit futbollistik FC Dinamo të Bukureshtit si dhe në Bukuresht ndërtoi një nga studiot më të mëdha filmike në Evropën Lindore.

Aktualisht ai është duke punuar me Brad Pittin në projektin filmik “He Wandet the Moon”.

Sipas gazetës zvicerane, Martini dhe Savulescu janë njoftuar me anë të miqve të tyre në Hollivud. Mes tyre ka pasur menjëherë shkëndija dashurie. Si shenjë e dashurisë, ata kanë vendosur që të bëjnë nga një gjysmë zemër të vogël në njërin nga gishtat e tyre. E kontaktuar nga gazeta, Martini nuk ka dashur të komentojë lidhjen e saj.

Albinfo.ch