Anglia me një mungesë të madhe kundër Kosovës

Kombëtarja e Anglisë nuk do të mund të llogarisë në shërbimet e Aaron Wan-Bissaka për ndeshjet e shtatorit.

Mbrojtësi 21 vjeçar, ka regjistruar paraqitje të mira këtë fillim sezon pas transferimit te Manchester United nga Crystal Palace, gjë që ka bërë që të ftohet nga trajneri Gareth Southgate.

Lojtari pas grumbullimit te Anglia, është detyruar të largohet shkaku i një lëndimi, gjë e cila është konfirmuar nga Manchester United, përmes një komunikate në faqen zyrtare të klubit, përcjell lajmi.net.

Wan Bissaka do t’i humbas të dy ndeshjet e shtatorit për Anglinë, atë kundër Bullgarisë dhe Kosovës.

Ky është një lajm i mirë për Kosovën, që po ashtu po ballafaqohet me shumë lëndime për dy ndeshjet e shtatorit, raportojnë mediat kosovare, përcjell albinfo.ch

---